فلائٹ آپریشن بند، کئی پاکستانی خاندان لبنان میں پھنس گئے
بیروت : لبنان کی کشیدہ صورتحال کی وجہ سے فلائٹس کے آپریشن میں رکاوٹ پیدا ہوگئی ہے، جس کے نتیجے میں کئی پاکستانی خاندان بیروت میں پھنس گئے ہیں۔ ان خاندانوں نے پاکستانی میڈیا سے بات کرتے ہوئے حکومت پاکستان سے اپیل کی ہے کہ انہیں خصوصی طیارے کے ذریعے لبنان سے محفوظ طریقے سے نکالا جائے۔
محصور پاکستانیوں کا کہنا ہے کہ شام کا راستہ غیر محفوظ ہونے کے باعث زمین کے راستے سے نکلنا ناممکن ہو گیا ہے۔ انہوں نے مزید کہا کہ وہ گزشتہ ایک ماہ سے اپنے سفارت خانے سے رابطے میں ہیں اور مطالبہ کر رہے ہیں کہ ان کے انخلا کے لئے ہوم ورک مکمل کیا جائے۔
