معروف اداکارہ سمندر کنارے یوگا کرتے ہوئے ڈوب کر ہلاک، ویڈیو وائرل

معروف اداکارہ کی حادثاتی موت نے مداحوں کو حیران کر دیا۔چوبیس سالہ ادکارہ کمیلا بیلیا تسکایا تھائی لینڈ کے مشہور سیاحتی جزیرے کوہ ساموئی پر یوگا کر رہی تھیں۔اداکارہ یوگا کے دوران ایک بڑی لہر کی زد میں آکر ڈوب گئیں۔کمیلا بیلیاتشکایا اداکارہ ہونے کے ساتھ ساتھ سیاح بھی تھیں،کمیلا اپنے بوائے فرینڈ کے ساتھ کوہ ساموئی کا سیاحتی دورہ کر رہی تھیں۔
کمیلا ایک جزیرے پر دلکش مناظر کے سامنے بیٹھ کر اپنی ویڈیو بنا رہی تھیں جب تیزی سے آتی ہوئی ایک لہر نے انہیں اپنی لپیٹ میں لے لیا۔اس واقعے کی ویڈیو بھی سوشل میڈیا پر وائرل ہو چکی ہے جسے اب تک لاکھوں لوگ دیکھ چکے ہیں،ویڈیو میں کمیلا کو اپنی جان بچانے کے لیے جدوجہد کرتے ہوئَے دیکھا جا سکتا ہے۔موقع پر موجود لوگوں نے بھی ان کو بچانے کی کوشش کی جو کامیاب نہ ہو سکی۔خیال رہے کہ کمیلا اس جزیرے کو دنیا کی بہترین جگہ قرار دیتی تھیں۔