امریکی صدر ڈونلڈ ٹرمپ کی جانب سے ایران کے ساتھ مذاکرات کے آغاز کے اعلان کے بعد آج پاکستان اسٹاک ایکسچینج میں کاروبار کے دوران زبردست تیزی دیکھنے میں آ رہی ہے۔
اگست کے پہلے کاروباری روز پاکستان اسٹاک ایکسچینج میں مثبت رجحان کے ساتھ کاروبار کا آغاز ہوا، جہاں بینچ مارک 100 انڈیکس 2,708 پوائنٹس کے اضافے کے بعد 178,802 کی سطح پر ٹریڈ کر رہا ہے۔
دوسری جانب ایشیائی اسٹاک مارکیٹس میں ملا جلا رجحان دیکھنے میں آیا۔ جاپان کا نکئی انڈیکس 1.5 فیصد جبکہ جنوبی کوریا کا کاسپی انڈیکس 5.25 فیصد کمی کے ساتھ ٹریڈ کر رہا ہے، جبکہ ہانگ کانگ کا ہینگ سینگ انڈیکس 0.1 فیصد اضافے کے ساتھ مثبت زون میں ہے۔
