کامران خان ٹیسوری نے کراچی میں نوجوان میر رضا کی ہلاکت پر کہا کہ ان کی اطلاع کے مطابق میر رضا نے خودکشی نہیں کی بلکہ اسے چار گولیاں لگی ہیں۔ انہوں نے کہا کہ کیس کی تفتیش جاری ہے اور حتمی حقائق سامنے آنے کے بعد ہی صورتحال واضح ہوگی۔
گورنر سندھ نے کہا کہ کسی بھی نوجوان کی ہلاکت افسوسناک ہے، کراچی جیسے بڑے شہر میں سکیورٹی مزید بہتر بنانے کی ضرورت ہے، تاہم ماضی کے مقابلے میں شہر میں جرائم کی شرح میں کمی آئی ہے۔
نہال ہاشمی نے کہا کہ لاہور اور کراچی کا موازنہ مثبت انداز میں ہونا چاہیے اور ایک دوسرے کے تجربات سے سیکھنا چاہیے، نہ کہ تنقید کی جائے۔
انہوں نے "تقسیم” کے لفظ کو نامناسب قرار دیتے ہوئے کہا کہ وہ نہیں چاہتے کہ ملک میں کسی قسم کی تقسیم ہو۔
گورنر سندھ نے کہا کہ وہ عوام کے ووٹوں سے نہیں بلکہ آئین کے تحت گورنر مقرر ہوئے ہیں اور آئین کے مطابق اپنی ذمہ داریاں ادا کر رہے ہیں۔
انہوں نے مزید بتایا کہ اب تک تقریباً 7 لاکھ لیپ ٹاپ طلبہ میں تقسیم کیے جا چکے ہیں اور آئندہ سال لیپ ٹاپ اسکیم کو مزید وسعت دینے کا ارادہ ہے۔
