افغانستان سے فارغ التحصیل میڈیکل گریجویٹس پاکستان میں پریکٹس کے اہل نہیں ہونگے: پی ایم ڈی سی

پاکستان میڈیکل اینڈ ڈینٹل کونسل کی جانب سے جاری ایڈوائزری کے مطابق افغانستان سے فارغ التحصیل میڈیکل گریجویٹس پاکستان میں میڈیکل پریکٹس کے اہل نہیں ہوں گے۔

ایسے گریجویٹس پاکستان میڈیکل اینڈ ڈینٹل کونسل سے رجسٹریشن حاصل نہیں کر سکیں گے۔

ایڈوائزری کے مطابق افغانستان کے میڈیکل ادارے Educational Commission for Foreign Medical Graduates کی تسلیم شدہ فہرست میں شامل نہیں ہیں، اس لیے وہاں سے فارغ التحصیل طلبہ پاکستان نیشنل رجسٹریشن امتحان (NRE) میں بھی شرکت نہیں کر سکیں گے۔

پی ایم ڈی سی نے طلبہ کو ہدایت کی ہے کہ افغانستان یا کسی بھی غیر ملکی میڈیکل ادارے میں داخلہ لینے سے پہلے اس ادارے کی ECFMG سے منظوری لازمی چیک کریں۔