برطانیہ: 97 سالہ خاتون نے ہوائی جہاز کے پروں پر کرتب دکھا کر اپنا ہی ریکارڈ توڑ دیا
لندن: برطانیہ کی 97 سالہ خاتون بیٹی برومیج (Betty Bromage) نے ایک بار پھر غیرمعمولی جرات کا مظاہرہ کرتے ہوئے ہوائی جہاز کے پروں پر کھڑے ہوکر ’ونگ واک‘ (Wing Walking) کا خطرناک کرتب انجام دیا اور اپنا ہی عالمی ریکارڈ بہتر بنا لیا۔
گنیز ورلڈ ریکارڈ یافتہ بیٹی برومیج کا کہنا ہے کہ اگر وہ اس طرح کے کارنامے انجام نہ دیتیں تو شاید زندگی سے بور ہوچکی ہوتیں۔
بیٹی برومیج گزشتہ 10 برس کے دوران 6 مرتبہ ونگ واک کرچکی ہیں اور ہر بار اپنی عمر کے باوجود حیران کن حوصلے اور عزم کا مظاہرہ کیا۔
ونگ واک ایک انتہائی خطرناک فضائی کرتب ہے جس میں فرد پرواز کرتے ہوئے ہوائی جہاز کے پروں پر کھڑے ہوکر مخصوص پرفارمنس انجام دیتا ہے۔
97 سال کی عمر میں ایک بار پھر یہ کارنامہ انجام دے کر بیٹی برومیج نے نہ صرف اپنی ہمت کا مظاہرہ کیا بلکہ اپنے ہی قائم کردہ عالمی ریکارڈ کو بھی مزید بہتر کردیا۔
