آئرلینڈ فٹبال ایسوسی ایشن نے جانی انفینٹینو کی حمایت واپس لے لی
آئرلینڈ: آئرلینڈ فٹبال ایسوسی ایشن نے فیفا کے صدر جانی انفینٹینو کی حمایت واپس لینے کا اعلان کردیا، جسے فیفا صدر کی چوتھی مدت کے لیے کوشش کے لیے ایک اور بڑا دھچکا قرار دیا جا رہا ہے۔
آئرش فٹبال ایسوسی ایشن نے فیفا کو خط لکھ کر حمایت واپس لینے کی تصدیق کرتے ہوئے کہا ہے کہ حالیہ واقعات نے گورننس، شفافیت اور مشاورت کے حوالے سے سنگین خدشات پیدا کیے ہیں۔
شمالی آئرلینڈ فٹبال ایسوسی ایشن نے بھی یوئیفا کے مؤقف کی حمایت کردی ہے۔
اس سے قبل یوئیفا، کونکاکاف اور ایشین فٹبال کنفیڈریشن بھی جانی انفینٹینو پر اعتماد توڑنے کے الزامات عائد کرچکے ہیں۔
واضح رہے کہ ویلز فٹبال ایسوسی ایشن انفینٹینو کی حمایت واپس لینے والی پہلی ہوم نیشن تھی، جبکہ انگلش فٹبال ایسوسی ایشن بھی فیفا صدر کی حمایت سے پیچھے ہٹ چکی ہے۔
آئرلینڈ کی جانب سے حمایت واپس لینے سے انفینٹینو کی فیفا صدر کے طور پر چوتھی مدت کے لیے کوشش کو مزید مشکلات کا سامنا کرنا پڑ سکتا ہے۔
