آئی ایم ایف کا وفد فروری میں پاکستان کا دورہ کرے گا، قسط ایک ارب ڈالر کا امکان

آئی ایم ایف کا وفد فروری میں پاکستان کا دورہ کرے گا، قسط ایک ارب ڈالر کا امکان

وزیر خزانہ محمد اورنگزیب نے کہا کہ آئی ایم ایف کا وفد فروری کے آخر یا مارچ کے شروع میंہ پاکستان کا دورہ کرے گا۔

انہوں نے کہا کہ آئی ایم ایف کا وفد اپنے اطمینان کی صورت میں قرض کی اگلی قسط ایک ارب ڈالر جاری کرنے کی راہ ہموار کرے گا۔

وزیر خزانہ نے کہا کہ حکومت پاکستان معاہدے کے تحت کچھ شرائط کو پورا کرنے میں ناکام رہی ہے، جن میں زرعی ٹیکس کا نفاذ، خوردہ فروشوں سے ٹیکس کی وصولی اور شش ماہی محصولات کا ہدف حاصل کرنے میں ناکامی بھی شامل ہے۔

انہوں نے مزید کہا کہ وفاقی حکومت زرعی ٹیکس کے نئے قوانین کی منظوری کے حوالے سے بلوچستان اور سندھ حکومتوں سے بات چیت جاری کر رہی ہے۔

وزیر خزانہ نے کہا کہ ہم ایک نئے قانون پر کام کر رہے ہیں جس کے تحت کوئی بھی جائیدار خریدنے سے قبل خریداروں کو خریداری کی اجازت کے حوالے سے ذرائع آمدنی ظاہر کرنے ہوں گے۔

انہوں نے کہا کہ ایف بی آر بھی اس استثنیٰ کی بات پر غور کر رہا ہے اور ابھی کوئی حتمی فیصلہ نہیں کیا گیا ہے۔

قومی اسمبلی کی قائمہ کمیٹی برائے خزانہ نے استثنیٰ کی حد تجویز کرنے کے لیے بلال اظہر کیانی کی سربراہی میں ذیلی کمیٹی قائم کر دی ہے۔