پاک فوج کے شعبہ تعلقات عامہ (آئی ایس پی آر) کے مطابق فتنۃ الخوارج کے دہشتگردوں نے پاک افغان سرحد کے قریب ملک میں داخل ہونے کی کوشش کی، جسے سکیورٹی فورسز نے پیشہ ورانہ انداز میں ناکام بناتے ہوئے دہشتگردوں کو نشانہ بنایا۔
آئی ایس پی آر کے مطابق فتنۃ الخوارج کے خلاف کارروائی 36 گھنٹے جاری رہی۔ کارروائی کے دوران ہلاک ہونے والے دہشتگردوں کے قبضے سے بڑی مقدار میں اسلحہ اور گولہ بارود بھی برآمد کیا گیا۔
آئی ایس پی آر کا کہنا ہے کہ دہشتگرد ملک میں امن و استحکام کو سبوتاژ کرنے کی کوشش کررہے تھے، جبکہ افغان طالبان حکومت دہشتگرد تنظیم کو افغان سرزمین استعمال کرنے سے روکنے، مؤثر سرحدی انتظام یقینی بنانے اور اپنی بین الاقوامی ذمہ داریاں پوری کرنے میں ناکام رہی ہے۔
آئی ایس پی آر نے مزید کہا کہ سکیورٹی فورسز ملکی سرحدوں کے دفاع کے لیے پرعزم ہیں۔ بھارتی سرپرستی یافتہ خارجیوں کے خاتمے کے لیے کلیئرنس آپریشن جاری ہے، جبکہ غیرملکی سرپرستی اور حمایت یافتہ دہشتگردی کے خاتمے کے لیے انسدادِ دہشتگردی مہم بھی جاری رکھی جائے گی۔
