لاہور میں پولیس کانسٹیبل کو ڈکیتی کرتے ہوئے رنگے ہاتھوں پکڑ لیاگیا۔
ترجمان ڈی آئی جی آپریشنز کے مطابق کانسٹیبل حذیفہ ہربنس پورہ کے علاقے میں واردات کرتے ہوئے رنگے ہاتھوں پکڑا گیا۔
ترجمان نے بتایا کہ کانسٹیبل حذیفہ اور اس کے ساتھی سے غیر قانونی اسلحہ اور موٹر سائیکل برآمد کرکے دونوں کو حراست میں لے کر مقدمہ درج کرلیاگیا ہے۔
ڈی آئی جی آپریشنز کے مطابق پولیس اہلکار کی مبینہ غیر قانونی سرگرمی پر بلاامتیاز قانونی کارروائی عمل میں لائی گئی ہے۔
