کراچی میں جشنِ آزادی پر ہوائی فائرنگ، خاتون جاں بحق، 70 سے زائد زخمی
پاکستان کے 79ویں جشنِ آزادی کے موقع پر کراچی کے مختلف علاقوں میں ہوائی فائرنگ کے واقعات نے خوشیوں کو غم میں بدل دیا۔ نامعلوم سمت سے آنے والی گولی لگنے سے ایک خاتون جاں بحق جبکہ 70 سے زائد افراد زخمی ہوگئے۔
ملک بھر میں 79واں یومِ آزادی ملی جوش و جذبے کے ساتھ منایا جا رہا ہے، تاہم کراچی میں رات 12 بجتے ہی پولیس کی سخت وارننگ کے باوجود مختلف علاقوں میں ہوائی فائرنگ شروع ہوگئی۔
ریسکیو حکام کے مطابق نامعلوم سمت سے آنے والی گولیوں کی زد میں آکر ایک خاتون جاں بحق ہوئی، جبکہ زخمی ہونے والوں میں خواتین اور بچے بھی شامل ہیں۔
ریسکیو حکام کا کہنا ہے کہ زخمیوں کو طبی امداد کے لیے جناح اسپتال، سول اسپتال اور عباسی شہید اسپتال منتقل کیا گیا۔
