لاہور: ریحان بٹ کے مبینہ ساتھی کی تلاش جاری
پولیس ذرائع کے مطابق ریحان بٹ کے ساتھ رابطے میں رہنے والے 32 سالہ طارق کا تعلق باغ، آزاد کشمیر سے ہے۔ طارق کے خلاف تھانہ راوی روڈ میں دفعہ 13/20/65 کے تحت مقدمہ درج ہے۔
ذرائع کا کہنا ہے کہ طارق کا ڈیٹا ہوٹل آئی سے حاصل کیا گیا، جبکہ وہ گزشتہ کچھ عرصے سے ریحان بٹ کے گھر میں رہائش پذیر تھا۔ پولیس کے مطابق طارق کے ریحان بٹ سے رابطے اور ملاقاتیں بھی ہوتی رہی ہیں۔
پولیس ذرائع کے مطابق ریحان بٹ اور اس کا والد فیاض بٹ شیخوپورہ میں پولیس مقابلے کے دوران مارے گئے، جبکہ طارق راوی نالے کے قریب ریحان بٹ اور اس کے والد سے الگ ہوگیا تھا۔
پولیس حکام کا کہنا ہے کہ طارق کی گرفتاری کے لیے تلاش جاری ہے۔
