کیولری چوک کے قریب ٹریفک حادثے میں موٹر سائیکل سوار چینی شہری جاں بحق ہوگیا۔
پولیس کے مطابق چینی شہری موٹر سائیکل پر جا رہا تھا کہ پیچھے سے آنے والی نامعلوم تیز رفتار کار نے اسے ٹکر مار دی۔ تصادم کے باعث موٹر سائیکل سوار سڑک کی دوسری جانب جا گرا، جہاں وہ ایک اور گاڑی سے بھی ٹکرا گیا۔
شدید حادثے کے نتیجے میں چینی شہری موقع پر ہی دم توڑ گیا۔ اطلاع ملنے پر پولیس کی بھاری نفری موقع پر پہنچ گئی اور جائے حادثہ سے شواہد اکٹھے کیے۔
پولیس نے لاش ضروری قانونی کارروائی کے لیے مردہ خانے منتقل کر دی، جبکہ حادثے کا باعث بننے والی گاڑی اور اس کے ڈرائیور کی تلاش شروع کر دی گئی ہے۔
پولیس حکام کے مطابق سیف سٹی کیمروں کی مدد سے حادثے میں ملوث گاڑی کا سراغ لگانے کی کوشش کی جا رہی ہے، جبکہ واقعے کی مختلف پہلوؤں سے مزید تحقیقات جاری ہیں۔
