بھارتی ریاست بہارکے ایک مندر میں بھگدڑ مچنے سے7 افراد ہلاک ہوگئے۔
بھارتی میڈیا کے مطابق ریاست بہار میں اشوک دھام مندر کے باہر بے قابو ہجوم کے باعث بھگدڑ مچنے سے 7 افراد ہلاک اور متعدد زخمی ہو گئے۔
رپورٹ کے مطابق واقعہ ساون کے تیسرے سوموار کی صبح پیش آیا جب بڑی تعداد میں عوام پوجا کے لیے مندر پہنچے ہوئے تھے۔
پولیس کا کہنا ہے کہ انہیں شبہ ہے کہ مندر میں بجلی کا کھمبا گرنےسے خوف و ہراس پھیلا جس کے باعث بھگدڑ جیسی صورتحال ہوئی جو ہلاکتوں کا باعث بنی ہے۔
بہار پولیس کا کہنا ہے کہ واقعے کی اصل وجہ کا تعین تحقیقات اور مکمل تصدیق کے بعد کیا جائے گا۔
