پشاور: بڈھ بیر میں قبریں کھود کر بچوں کی نعشیں نکالنے اور مبینہ بے حرمتی کرنے والا ملزم گرفتار کرلیا گیا۔

پشاور کے علاقے بڈھ بیر میں مقامی افراد نے قبر کھود کر بچوں اور بچیوں کی نعشیں نکالنے اور مبینہ بے حرمتی کرنے والے شخص کو رنگے ہاتھوں پکڑ کر پولیس کے حوالے کردیا۔

مقامی افراد کے مطابق گرفتار ملزم افغان شہری ہے اور حافظ قرآن ہونے کے ساتھ بارہویں جماعت تک تعلیم حاصل کرچکا ہے۔

پولیس کے مطابق ابتدائی تحقیقات میں یہ بات سامنے آئی ہے کہ ملزم اس سے قبل بھی 4 قبروں سے بچوں اور بچیوں کی نعشیں نکالنے اور مبینہ بے حرمتی کرنے میں ملوث رہا ہے۔

پولیس نے ملزم کو حراست میں لے کر واقعے کی مزید تحقیقات شروع کردی ہیں، جبکہ دیگر شواہد بھی اکٹھے کیے جا رہے ہیں۔