معروف اداکار حادثے میں ہلاک ہو گئے

ہالی ووڈ کے معروف اداکار کے طیارے کو خوفناک حادثہ پیش آگیا ہے۔ حادثہ پیش آنے کے باعث اداکار جان کی بازی ہارگئے ہیں۔ اداکار  نے ہالی ووڈ انڈسٹری میں اپنے کرئیر کا  آغاز ٹی وی سیریز سیوڈ بائی دی بیل دی نیو کلاس اور فلم دی بیبی سیٹرز کلب سے کیا تھا۔

معروف ہالی ووڈ اداکار کرسٹیان اولیور اپنی دو بیٹیوں سمیت طیارہ حادثے میں ہلاک ہوگئے۔ بین الاقوامی میڈیا رپورٹ کے مطابق کرسٹیان اولیور نے اپنی دو بیٹیوں کے ہمراہ ایک چھوٹے طیارے میں اڑان بھری تھی، طیارہ اداکار کو ایک چھوٹے سے جزیرے بیکیا سے سینٹ لوشیا لیکر جا رہا تھا۔اڑان بھرنے سے کچھ دیر بعد  طیارہ کیریبین سی میں گر کر تباہ ہو گیا جس کے بعد کوسٹ گارڈز نے سمندر سے چار لاشیں نکالیں۔

بتایا جا رہا ہے کہ سمندر سے ملنے والی چار لاشوں کی شناخت 51 سالہ کرسٹیان اولیور، 12 سالہ بیٹی انک، 10 سالہ بیٹی مدیتا اور پائلٹ رابرٹ ساکس کے نام سے ہوئی ہے۔