اداکارہ نہیں وکیل بننا چاہتی تھی:کرینہ کپور

اداکارہ نہیں وکیل بننا چاہتی تھی:کرینہ کپور

نئی دہلی:بالی ووڈ کی مشہور اداکارہ کرینہ کپور نے حال ہی میں انکشاف کیا ہے کہ ان کی اصل خواہش اداکاری نہیں بلکہ وکیل بننے کی تھی۔ کرینہ کپور، جو بالی ووڈ کی حسین ترین اداکاراؤں میں شمار ہوتی ہیں، نے اپنے کیریئر کا آغاز 2000ء میں کیا اور اب تک کئی کامیاب بھارتی فلموں میں اداکاری کے جوہر دکھا چکی ہیں۔
کرینہ کپور نے ایک حالیہ انٹرویو میں بتایا کہ ان کا زمانہ طالبعلمی بہت شاندار تھا اور وہ ایک بہترین طالبہ تھیں۔ انہوں نے ہارورڈ یونیورسٹی کے سمر پروگرام میں داخلہ لیا تھا اور اسے اپنی زندگی کا بہترین وقت قرار دیا۔ اس پروگرام کے دوران انہوں نے خود کو مضبوط اور خودمختار پایا، جس سے ان کے اندر اعتماد پیدا ہوا۔ کرینہ کا کہنا تھا کہ وہ وکیل بننے کی خواہش مند تھیں، مگر قسمت نے انہیں اداکاری کی دنیا میں لے آئی۔
ہارورڈ سے واپس آنے کے بعد انہوں نے اداکاری کی دنیا میں قدم رکھنے کا فیصلہ کیا، جس میں ان کے والدین نے بھی انہیں مکمل سپورٹ فراہم کی۔ کرینہ نے بتایا کہ ان کے والدین ان کے اس فیصلے سے خوش اور مطمئن تھے، اور یوں انہوں نے بھارتی فلم انڈسٹری میں قدم رکھا اور آج وہ بالی ووڈ کی مشہور ترین اداکاراؤں کی صف میں کھڑی ہیں۔