بابر اعظم پہلے ان کے پسندیدہ کھلاڑی تھے، مگر اب ایسا نہیں رہا: اداکارہ سونیا حسین

کراچی: معروف پاکستانی اداکارہ سونیا حسین کا کہنا ہے کہ بابر اعظم پہلے ان کے پسندیدہ کھلاڑی تھے، مگر اب ایسا نہیں رہا۔سونیا حسین حال ہی میں ایک نجی ٹی وی چینل کی چیمپئنز ٹرافی کے حوالے سے خصوصی ٹرانسمیشن میں شریک ہوئیں، جہاں انہوں نے مختلف سوالوں کے جواب دیے۔

میزبان نے سونیا حسین سے پوچھا کہ قومی کرکٹ ٹیم میں ان کے پسندیدہ کھلاڑی کون ہیں؟ اس پر اداکارہ نے جواب دیا:
"میرے فیورٹ پلیئر بابر بھائی تھے، لیکن اب ایسا نہیں ہے۔” سونیا نے مزید کہا کہ اب انہیں کوئی اور کھلاڑی پسند ہے، لیکن وہ اس کھلاڑی کا نام نہیں جانتیں۔ سابق کرکٹرز میں اپنی پسند کا ذکر کرتے ہوئے سونیا حسین نے کہا "مجھے فاسٹ بولر شعیب اختر بے حد پسند ہیں، ان کی اپنی ایک الگ پہچان ہے۔ وہ آج بھی کھلاڑیوں کے درمیان کھڑے ہوں تو منفرد نظر آتے ہیں۔”