بھارت کیخلاف سیمی فائنل سے قبل آسٹریلیا کو بڑا دھچکا

دبئی: آئی سی سی چیمپئنز ٹرافی کے سیمی فائنل سے قبل آسٹریلیا کو بڑا نقصان اٹھانا پڑا، جارح مزاج اوپنر میتھیو شارٹ انجری کے باعث ٹورنامنٹ سے باہر ہو گئے۔ میتھیو شارٹ کو افغانستان کے خلاف میچ کے دوران گھٹنے کی انجری کا سامنا کرنا پڑا، جس کے بعد وہ مزید میچز کے لیے دستیاب نہیں ہوں گے۔

آسٹریلیا نے ان کی جگہ 21 سالہ کوپر کونولی کو اسکواڈ میں شامل کر لیا ہے، جو اس سے قبل آسٹریلیا کے لیے 3 ایک روزہ میچز کھیل چکے ہیں۔ آئی سی سی کی ایونٹ ٹیکنیکل کمیٹی نے اسکواڈ میں اس تبدیلی کی منظوری دے دی ہے۔ واضح رہے کہ آسٹریلیا اور بھارت کے درمیان سیمی فائنل 4 مارچ کو دبئی میں کھیلا جائے گا۔ اس اہم میچ سے قبل میتھیو شارٹ کی غیرموجودگی آسٹریلیا کے لیے ایک بڑا نقصان ثابت ہو سکتی ہے۔