امیشا پٹیل نے شادی نہ کرنے کی دلچسپ وجہ بتادی

بالی وڈ اداکارہ امیشا پٹیل نے شادی نہ کرنے کی وجہ بتادی **ممبئی:** بالی وڈ اداکارہ امیشا پٹیل نے شادی نہ کرنے کی وجہ بتاتے ہوئے کہا ہے کہ وہ اپنی موجودہ زندگی میں اکیلے ہی بہت خوش ہیں۔ حال ہی میں امیشا پٹیل نے سماجی رابطے کی ویب سائٹ ایکس پر مداحوں کے ساتھ سوال و جواب کا سیشن کیا، جس کے دوران ایک مداح نے ان سے پوچھا کہ **”آپ شادی کب کر رہی ہیں؟”** اداکارہ نے سوال کا مزاحیہ انداز میں جواب دیتے ہوئے کہا کہ **”کبھی نہیں، میں اکیلے ہی بہت خوش ہوں۔”** امیشا پٹیل نے کہا کہ ان کے قریبی خاندان اور دوستوں میں تقریباً 100 ایسے لوگ ہیں جو ان سے محبت کرتے ہیں۔ اداکارہ کا مزید کہنا تھا کہ وہ اپنی زندگی میں کسی ایک شخص کی آمد برداشت نہیں کرسکتیں جو آکر ان کی پوری زندگی بدل دے۔