رابعہ انعم کی والدین سے بچوں کی حفاظت کے لیے زیادہ محتاط رہنے کی اپیل
پاکستان کی معروف اینکر اور ٹی وی میزبان رابعہ انعم نے بچوں کے حوالے سے حالیہ حالات پر تشویش کا اظہار کرتے ہوئے والدین سے خصوصی طور پر محتاط اور چوکس رہنے کی اپیل کی ہے۔
ایک ویڈیو میں گفتگو کرتے ہوئے رابعہ انعم نے کہا کہ بچوں کی حفاظت کو پاکستان میں انتہائی سنجیدگی سے لینے کی ضرورت ہے۔ ان کے مطابق بچوں کو صرف اچھے کپڑے پہنانا یا اسکول بھیجنا ہی حفاظت نہیں، بلکہ والدین کو ان کی نگرانی اور تحفظ کے لیے ہر وقت زیادہ الرٹ رہنا چاہیے۔
انہوں نے والدین کو مشورہ دیا کہ چھوٹے بچوں کو کسی کے پاس بھی اکیلا نہ چھوڑیں، چاہے وہ شخص کتنا ہی قابلِ اعتماد یا برسوں سے جاننے والا کیوں نہ ہو۔
رابعہ انعم نے واضح کیا کہ بچوں کے خلاف جرائم صرف بچیوں تک محدود نہیں، بلکہ لڑکے بھی اس کا نشانہ بن رہے ہیں۔
انہوں نے خاص طور پر ملازمت پیشہ والدین سے اپیل کی کہ بچوں کے معاملے میں کسی پر اندھا اعتماد نہ کریں اور گھروں میں سکیورٹی کیمروں کی تنصیب پر بھی غور کریں۔
