پاکستانی اداکارہ اشنا شاہ کے ہاں بیٹے کی پیدائش
پاکستانی اداکارہ اشنا شاہ کے ہاں پہلے بچے کی پیدائش ہوئی ہے اور وہ بیٹے کی ماں بن گئی ہیں۔
اداکارہ نے منگل کی شام سوشل میڈیا کے ذریعے اپنے مداحوں کو خوشخبری سنائی اور بیٹے کی چند تصاویر بھی انسٹاگرام پر شیئر کیں۔ تصاویر میں بچے کا چہرہ نظر نہیں آرہا، جبکہ اشنا شاہ نے تاحال بیٹے کا نام بھی ظاہر نہیں کیا۔
اشنا شاہ اور ان کے شوہر کو پہلے بچے کی پیدائش پر مداحوں اور ساتھی فنکاروں کی جانب سے مبارکباد اور نیک خواہشات کا سلسلہ جاری ہے۔
واضح رہے کہ اشنا شاہ نے پاکستانی ڈرامہ انڈسٹری میں اپنی اداکاری کے ذریعے نمایاں شہرت حاصل کی۔ انہوں نے 2023 میں حمزہ امین سے شادی کی تھی۔
