وزن کم کرنا اکثر افراد کے لیے ایک مشکل چیلنج ہوتا ہے، لیکن چین سے تعلق رکھنے والے 31 سالہ ڈاکٹر وو تیان گن نے صرف 42 دنوں میں 25 کلوگرام وزن کم کرکے سب کو حیران کر دیا۔ وو تیان گن، جو ووہان کے ایک اسپتال میں سرجن کے طور پر کام کرتے ہیں، 2023 میں جگر پر چربی چڑھنے کے عارضے کا شکار ہوئے۔ غیر متوازن خوراک اور بے ترتیب معمولات کی وجہ سے ان کا وزن 97.5 کلوگرام تک جا پہنچا، جس نے ان کی صحت کو متاثر کرنا شروع کر دیا۔
اپنی بگڑتی ہوئی صحت دیکھ کر انہوں نے خود کو فٹ اور صحت مند بنانے کا فیصلہ کیا۔ ان کا کہنا تھا: "اگر میں اپنی صحت کا خیال خود نہیں رکھوں گا، تو دوسرا کون رکھے گا؟” اس کے بعد انہوں نے روزانہ 2 گھنٹے ورزش, کم از کم 6 گھنٹے نیند, صبح 5:30 بجے بیدار ہونا, کام سے پہلے اور بعد میں ایک ایک گھنٹہ ایروبک ورزش کا منصوبہ بنایا بعد ازاں، انہوں نے ورزش کا دورانیہ 4 گھنٹے تک بڑھا دیا تاکہ باڈی بلڈنگ مقابلے میں حصہ لے سکیں، جس میں وہ کامیابی سے جیت بھی گئے۔
ڈاکٹر وو تیان گن نہ صرف موٹاپے سے نجات حاصل کرنے میں کامیاب ہوئے بلکہ 100 دیگر افراد کو بھی وزن کم کرنے میں مدد دی۔ ان کے مطابق "صحتمند طرز زندگی جیسے مناسب نیند، متوازن غذا، ورزش اور ذہنی سکون سے وزن کم کرنا آسان ہوجاتا ہے۔
