چھوٹے پیکیجز کی ڈیلیوری کے لئے ڈرونز کے استعمال کا فیصلہ

چھوٹے پیکیجز کی ڈیلیوری کے لئے ڈرونز کے استعمال کا فیصلہ

لندن: ای کامرس کی معروف کمپنی ایمازون نے اعلان کیا ہے کہ وہ رواں سال کے آخر تک برطانیہ میں ڈرونز کے ذریعے پیکجز کی ڈیلیوری شروع کر دے گی۔

کمپنی کا کہنا ہے کہ برطانیہ میں ڈرونز کے استعمال کو بڑھانے کے لیے اس کا انتخاب کیا گیا ہے۔ ایمازون چھوٹے پیکجز کو آرڈر کرنے کے ایک گھنٹے کے اندر ڈیلیور کرنے کا منصوبہ بنا رہی ہے۔

ایمازون ان اداروں میں شامل ہے جنہیں سول ایوی ایشن اتھارٹی نے بیونڈ وژوئل لائن آف سائٹ (بی وی ایل او ایس) ڈرون فلائٹس کی آزمائش کے لیے منتخب کیا ہے۔ بی وی ایل او ایس کا مطلب ہے کہ ڈرونز کی پرواز کے دوران آپریٹرز کو ان کی نگرانی کرنے کی ضرورت نہیں ہوگی۔کیلیفورنیا کے شہر لوکفورڈ اور ٹیکساس میں کمپنی ڈرونز کے ذریعے پیکجز کی ڈیلیوری کررہی ہے

برطانیہ میں، یہ ڈرون اپنے فلفلمنٹ سینٹرز سے 12 کلومیٹر تک کے فاصلے پر پرواز کر سکیں گے۔