گوگل کا پاکستان میں ڈیجیٹل سرمایہ کاری بڑھانے اور معاشی ترقی میں تعاون کا اعلان

گوگل نے پاکستان کی ڈیجیٹل معیشت اور آن لائن تحفظ کو مضبوط کرنے کے عزم کا اظہار کیا ہے،گوگل پاکستان کی ڈیجیٹل تبدیلی میں معاونت کے لیے اہم کردار ادا کرے گا۔میڈیا رپورٹس کے مطابق گوگل کے جنوبی ایشیا پبلک پالیسی لیڈ کی وزیر مملکت سے ملاقات ہوئی،آن لائن تحفظ اور سائبر سیکیورٹی کے مسائل پر حکومت اور گوگل کے درمیان تبادلہ خیال کیا گیا۔ملاقات میں ڈیجیٹل خواندگی بڑھانے اور ذمہ دارانہ ٹیکنالوجی کے استعمال کو فروغ دینے پر زور دیا گیا۔
گوگل نے پاکستان میں ڈیجیٹل سرمایہ کاری بڑھانے اور معاشی ترقی میں تعاون کا اعلان کیا۔ڈیجیٹل خواندگی بڑھانے اور ذمہ دارانہ ٹیکنالوجی کے استعمال کو فروغ دینے پر زور دیا گیا۔گوگل اور حکومت کا ثقافتی اقدار کے تحفظ کے ساتھ ڈیجیٹل ترقی پر اتفاق کیا گیا۔پاکستان کے ڈیجیٹل شعبے کی ترقی کے لیے عوامی و نجی تعاون کے عزم کا اظہار کیا گیا۔ڈیجیٹل معیشت کی مضبوطی اور محفوظ آن لائن ماحول کے قیام پر بھی زور دیا گیا۔