فضل الرحمان کا بیان: مسلح افراد کی واپسی پر سوالات
ڈیرہ اسماعیل خان: جمعیت علما اسلام کے سربراہ مولانا فضل الرحمان نے ایک جلسے سے خطاب کرتے ہوئے کہا کہ اس بار آپریشن کے لیے لوگ اپنے گھر چھوڑنے کو تیار نہیں ہیں۔ انہوں نے سوال اٹھایا کہ اتنے آپریشنز کے بعد مسلح افراد پہلے سے زیادہ طاقت کے ساتھ کیسے واپس آگئے؟
مولانا فضل الرحمان نے کہا کہ ہمیں بتایا جائے کہ پاکستان کی سرحدوں کا چوکیدار کون ہے؟ اگر آپ چوکیدار نہیں ہے تو پھر آپ اگر صرف سیاست یا الیکشن تک ہی محدود رہے گے تو پھر آپ اپنے دیے گئے حلف سے انحراف کررہے ہیں۔
انہوں نے مزید کہا کہ آپ کا کام الیکشن کروانا یا کسی کو جتوانا یا ہروانا نہیں ہے۔ میں نے یہ اسی لیے کہا تھا کہ میں فوجی کا احترام کرتا ہوں کیونکہ یہ میرے ملک کی سب سے بڑی دفاعی طاقت ہے لیکن اگر یہ دفاعی طاقت جس وقت سیاست کرے گی پھر یہ فوج ہی نہیں رہے گا اور پھر میں اس پر تنقید کرو گا اور کوئی مجھے اس سے روک نہیں سکتا۔
فضل الرحمان نے کہا کہ میری تنقید بلاوجہ نہیں ہے کیونکہ تم نہ تو فرشتے ہو اور نہ ہی معصوم۔ پاکستان جب سے بنا ہے تب سے ہی فیصلے تم کررہے ہو اور سب ہی غلط ثابت ہوئے ہیں۔
