ڈیلرز نے سیمنٹ سپلائی غیر معینہ مدت کے لئے بند کر دی
لاہور: پٹرولیم ڈیلرز ایسوسی ایشن اور فلورکی ہڑتال کے بعد سیمنٹ ڈیلرز نے بھی ملک بھر میں ہڑتال کا اعلان کر دیا۔
چیئرمین آل پاکستان سیمنٹ ڈیلرز چودھری ساجد کا کہنا ہے کہ ڈیلرز نے سیمنٹ سپلائی غیر معینہ مدت کے لئے بند کر دی ہے۔ٹیکسز اور پی او ایس کی وجہ سے کاروبار مشکلات کا شکار ہے۔ڈسٹری بیوشن کاروبار پر بھاری ٹیکسز سے کاروبار ناممکن ہے۔
انہوں نے کہا کہ ٹیکسز کو سیمنٹ کمپنیوں سے ملنے والے مارجن ڈسکائوٹ سے ادا نہیں کیا جاسکتا۔مطالبات پورے ہونے تک ہڑتال جاری رہے گی۔
