سپریم کورٹ میں 26ویں آئینی ترمیم کے خلاف ایک اور درخواست دائر کر دی گئی

سپریم کورٹ میں 26ویں آئینی ترمیم کے خلاف ایک اور درخواست دائر کر دی گئی

سپریم کورٹ میں 26ویں آئینی ترمیم کے خلاف ایک اور درخواست دائر کی گئی ہے، جس میں اس ترمیم کو عدلیہ کی آزادی اور اختیارات کی تقسیم کے اصول کے منافی قرار دیتے ہوئے کالعدم قرار دینے کی استدعا کی گئی ہے۔
یہ درخواست سردار لطیف کھوسہ اور بیرسٹر صلاح الدین کے ذریعے دائر کی گئی ہے، جبکہ درخواست گزاروں میں سینئر وکلا حامد خان، امان اللہ کنرانی، عابد حسن منٹو، علی احمد کرد، اکرم شیخ، قاضی محمد انور، منیر اے ملک، اور عابد زبیری شامل ہیں۔
درخواست میں موقف اختیار کیا گیا ہے کہ 26ویں آئینی ترمیم عدلیہ کی آزادی سے متصادم ہے اور اختیارات کی تقسیم کے اصول کے برخلاف ہے۔ درخواست گزاروں کا کہنا ہے کہ یہ ترمیم مخصوص نشستوں کے فیصلے کے بغیر نہیں ہوسکتی تھی۔
درخواست میں استدعا کی گئی ہے کہ حتمی فیصلہ آنے تک 26ویں آئینی ترمیم کے تحت ہونے والے تمام اقدامات کو معطل کیا جائے۔