سولر سے بجلی کی پیداوار میں ریکارڈ اضافہ ،لیسکو صارفین کو 38 کروڑ کا فائدہ
اسلام آباد:وفاقی حکومت کی جانب سے بجلی کی قیمتوں میں مسلسل اضافے کے پیش نظر، لیسکو کے صارفین نے سولر سسٹمز کی مدد سے بجلی کی پیداوار میں ریکارڈ اضافہ کیا ہے۔ تازہ ترین تفصیلات کے مطابق، لیسکو میں گزشتہ 4 ماہ کے دوران سولر پاور کی پیداوار میں 200 میگاواٹ کا اضافہ ہوا ہے۔
دستاویزات کے مطابق، اس دورانیے میں مجموعی طور پر 3 کروڑ 20 لاکھ یونٹس بجلی کی پیداوار کی گئی۔ اس میں سے صارفین نے 1 کروڑ 40 لاکھ یونٹس اپنی ضروریات کے لیے استعمال کیے جبکہ باقی 1 کروڑ 80 لاکھ یونٹس لیسکو کے سسٹم میں ایکسپورٹ کیے۔ ایکسپورٹ شدہ یونٹس کی تعداد میں اضافے کی وجہ سے صارفین کو بجلی کے بلوں میں خاطر خواہ ریلیف ملا ہے۔
مزید برآں، ایکسپورٹ یونٹس سے صارفین نے 38 کروڑ روپے کا فائدہ اٹھایا ہے۔ نیپرا کے قوانین کے مطابق، صارفین کو 27 روپے فی یونٹ کے حساب سے یہ ریلیف فراہم کیا گیا ہے۔
