پٹرول کی قیمت میں 1 روپےفی لیٹر کمی کا امکان
اسلام آباد : عالمی منڈی میں خام تیل کی قیمتوں میں کمی کے باعث پاکستان میں یکم اکتوبر سے پٹرولیم مصنوعات کی قیمتوں میں کمی کا امکان ظاہر کیا جا رہا ہے۔ ذرائع کے مطابق، پٹرولیم مصنوعات کی قیمتوں میں 3 روپے فی لٹر تک کمی متوقع ہے۔ پٹرول کی قیمت میں 1 روپے فی لٹر جبکہ ڈیزل کی قیمت میں 3 روپے فی لٹر کمی کا امکان ہے۔
ذرائع کا مزید کہنا ہے کہ پٹرولیم مصنوعات کی قیمتوں کا حتمی اعلان 30 ستمبر کو کیا جائے گا اور اس کا اعلان وزیر خزانہ وزیراعظم کی مشاورت سے کریں گے۔ یاد رہے کہ 15 ستمبر کو بھی وفاقی حکومت کی جانب سے پٹرولیم مصنوعات کی قیمتوں میں نمایاں کمی کی گئی تھی۔
اس وقت ملک میں پٹرول کی موجودہ قیمت249.10 روپے ، ہائی سپیڈ ڈیزل 249.69روپے ، لائٹ ڈیزل 141.93 روپے اورمٹی کا تیل 158.47 روپے فی لٹر فروخت کیا جارہا ہے۔
