لاہور: نامور اداکار سردار کمال انتقال کر گئے
لاہور: پاکستان کے مشہور اسٹیج، ٹی وی اور فلم کے اداکار سردار کمال دل کا دورہ پڑنے سے انتقال کر گئے۔ ان کی عمر 58 سال تھی۔
خاندانی ذرائع کے مطابق سردار کمال کو اچانک دل کا دورہ پڑا جو جان لیوا ثابت ہوا۔ سردار کمال اپنے پیچھے دو بیٹے اور ایک بیٹی چھوڑ گئے ہیں۔ ان کا ایک بیٹا انگلینڈ میں مقیم ہے۔
سردار کمال کا جسد خاکی ان کے آبائی شہر فیصل آباد روانہ کر دیا گیا ہے، جہاں ان کی تدفین کی جائے گی۔
سردار کمال نے اپنی زندگی میں درجنوں فلموں، ٹی وی ڈراموں اور اسٹیج پرفارمنسز میں اداکاری کے جوہر دکھائے اور عوام میں بہت مقبول ہوئے۔ ان کے انتقال پر فلمی، ٹی وی اور سوشل میڈیا پر چاہنے والے صارفین نے گہرے دکھ اور افسوس کا اظہار کیا ہے۔
