اسلام آباد ( ایم وائے کے نیوز ٹی وی) الیکشن کمیشن آف پاکستان نے سپریم کورٹ کے 27 جون 2025ء کے فیصلے کی روشنی میں قومی اسمبلی سمیت چاروں صوبائی اسمبلیوں کی مخصوص نشستیں بحال کرنے کا بڑا اعلان کر دیا ہے۔ اس فیصلے کے نتیجے میں مجموعی طور پر 74 مخصوص نشستیں بحال کی گئی ہیں جن میں سے بیشتر مسلم لیگ (ن)، پیپلز پارٹی اور جے یو آئی کے حصے میں آئی ہیں۔
الیکشن کمیشن کی جانب سے جاری کردہ تفصیلات کے مطابق قومی اسمبلی میں خیبرپختونخوا سے ن لیگ کی دو، پیپلز پارٹی کی دو اور جمعیت علمائے اسلام (ف) کی ایک مخصوص نشست بحال کی گئی ہے۔ اسی طرح ن لیگ، پیپلز پارٹی اور جے یو آئی کی ایک ایک مخصوص نشست قومی اسمبلی میں دیگر حلقوں سے بھی بحال کی گئی ہے۔ خیبرپختونخوا اسمبلی میں جے یو آئی کو سب سے زیادہ آٹھ مخصوص نشستیں واپس ملی ہیں، جب کہ ن لیگ اور پیپلز پارٹی کو چھ چھ نشستیں اور عوامی نیشنل پارٹی کو ایک نشست بحال کی گئی ہے۔ نان مسلم مخصوص نشستوں میں بھی جے یو آئی کو دو جبکہ ن لیگ اور پیپلز پارٹی کو ایک ایک نشست واپس مل گئی ہے۔
پنجاب اسمبلی میں مسلم لیگ ن نے بھرپور کامیابی حاصل کرتے ہوئے اکیس مخصوص نشستیں حاصل کی ہیں، جب کہ پیپلز پارٹی، استحکام پاکستان پارٹی اور پاکستان مسلم لیگ (ق) کو ایک ایک مخصوص نشست دی گئی ہے۔ نان مسلم نشستوں میں ن لیگ کو دو اور پیپلز پارٹی کو ایک نشست بحال کی گئی ہے۔ سندھ اسمبلی میں پیپلز پارٹی اور ایم کیو ایم پاکستان کو ایک ایک مخصوص نشست واپس ملی ہے، جب کہ پیپلز پارٹی کی ایک نان مسلم مخصوص نشست بھی بحال کر دی گئی ہے۔ اس فیصلے کے بعد مخصوص نشستوں پر پاکستان تحریک انصاف کے ٹکٹ پر کامیاب ہونے والے امیدواروں کی واپسی کالعدم قرار دے دی گئی ہے۔
الیکشن کمیشن نے یہ فیصلہ سپریم کورٹ کی ہدایت کے مطابق پرانے نوٹیفکیشنز کو واپس لیتے ہوئے کیا ہے۔ 24 اور 29 جولائی 2024ء کو جاری کردہ نوٹیفکیشنز کو منسوخ کر دیا گیا ہے، اور ان کی جگہ نئے نوٹیفکیشنز جاری کر کے مخصوص نشستوں کو دوبارہ بحال کر دیا گیا ہے۔ اگر مجموعی طور پر سیاسی جماعتوں کو ملنے والی مخصوص نشستوں کی تعداد پر نظر ڈالی جائے تو مسلم لیگ ن کو سب سے زیادہ 43 نشستیں ملی ہیں، پیپلز پارٹی کو 14، جے یو آئی کو 12، جب کہ استحکام پاکستان پارٹی، پاکستان مسلم لیگ (ق)، عوامی نیشنل پارٹی، ایم کیو ایم پاکستان اور پی ٹی آئی پارلیمنٹرینز کو ایک ایک نشست دی گئی ہے۔
اسلام آباد: پمز اسپتال کا میٹرنٹی کے نئے کیسز لینے سے انکار اسلام آباد کے پمز اسپتال کی انتظامیہ نے…
پاکستانی اداکارہ اشنا شاہ کے ہاں بیٹے کی پیدائش پاکستانی اداکارہ اشنا شاہ کے ہاں پہلے بچے کی پیدائش ہوئی…
رابعہ انعم کی والدین سے بچوں کی حفاظت کے لیے زیادہ محتاط رہنے کی اپیل پاکستان کی معروف اینکر اور…
پاکستانی اداکار نعمان اعجاز کا کینسر کی تشخیص اور صحتیابی سے متعلق اہم انکشاف پاکستان کے سینئر اداکار نعمان اعجاز…
پاکستانی اداکارہ مریم نفیس خواتین اور کم عمر بچیوں کے ساتھ زیادتی کے واقعات پر آبدیدہ پاکستانی اداکارہ مریم نفیس…
بھارت: ہریانوی گلوکار انکت بالیان جم کے باہر فائرنگ سے قتل بھارتی ریاست اتر پردیش میں ہریانوی گلوکار اور یوٹیوبر…