لندن / اسلام آباد (ایم وائے کے نیوز ٹی وی) – مسلم لیگ (ن) کے سربراہ اور سابق وزیراعظم میاں محمد نواز شریف لندن میں مختصر قیام کے بعد وطن واپس روانہ ہو گئے ہیں۔ ان کے ہمراہ ان کے صاحبزادے حسن نواز اور ذاتی معالج ڈاکٹر عدنان بھی موجود ہیں۔
نواز شریف نے دو ہفتے کا قیام لندن میں کیا، جہاں انہوں نے عید الاضحیٰ کا مذہبی تہوار بھی اپنے اہل خانہ کے ساتھ منایا۔ ذرائع کے مطابق ان کے اس دورے کا مقصد نجی نوعیت کا تھا، تاہم لندن میں قیام کے دوران انہوں نے عالمی حالات پر بھی گہری نظر رکھی اور اسرائیل کی جانب سے ایران کے خلاف کی جانے والی عسکری کارروائیوں کی شدید الفاظ میں مذمت کی۔
نواز شریف نے اپنے بیان میں کہا تھا کہ مشرق وسطیٰ میں بڑھتی ہوئی کشیدگی عالمی امن کے لیے خطرہ بن سکتی ہے، اور عالمی طاقتوں کو فوری طور پر جنگ بندی کے لیے اپنا کردار ادا کرنا چاہیے۔ انہوں نے خاص طور پر اسرائیلی جارحیت کو غیر انسانی اور بین الاقوامی قوانین کے منافی قرار دیا۔
