الیکٹرک بائیک اسکیم: مریم نواز نے طلبہ سے ڈاؤن پے منٹ کی وصولی روک دی

مریم نواز کی زیر صدارت اجلاس میں طلبہ کیلئے ماہانہ 3 ہزار روپے قسط پر ای بائیک دینے کی تجویز پر اتفاق

لاہور: وزیراعلیٰ پنجاب مریم نواز کی زیر صدارت اجلاس میں سی ایم الیکٹرک بائیک اسکیم کے تحت طلبہ سے ماہانہ 3 ہزار روپے قسط لینے کی تجویز پر اتفاق کیا گیا ہے۔

اجلاس میں اسکیم کا دائرہ کار سرکاری ملازمین، جنرل پبلک اور ڈیلیوری بوائز تک وسیع کرنے کی منظوری بھی دی گئی۔

اجلاس میں بتایا گیا کہ حکومت پنجاب ای بائیک پر انٹرسٹ اور انشورنس کی ادائیگی کرے گی، جبکہ ای بائیک کے ساتھ ہیلمٹ اور سیفٹی راڈ بھی مفت فراہم کیا جائے گا۔ طلبہ کو ای بائیک چلانے کی دو روزہ مفت ٹریننگ دی جائے گی، جبکہ 6 ہفتوں کے اندر بائیک کی فراہمی کیلئے اقدامات کیے جائیں گے۔

مریم نواز نے الیکٹرک بائیک اسکیم کے تحت طلبہ سے ڈاؤن پیمنٹ وصول کرنے سے روک دیا اور اسی ہفتے ای بائیک پورٹل کھولنے کا حکم دے دیا۔