غازی روڈ کے مست اقبال روڈ کی گلی نمبر 4 میں گزشتہ 12 گھنٹوں سے بجلی کی بندش کے باعث اہل علاقہ شدید مشکلات کا شکار ہیں۔
علاقہ مکینوں کے مطابق طویل دورانیے سے بجلی بند ہونے کے باعث روزمرہ معمولات زندگی بری طرح متاثر ہو رہے ہیں، جبکہ شدید گرمی میں بجلی کی عدم دستیابی نے شہریوں کی مشکلات مزید بڑھا دی ہیں۔
مکینوں کا کہنا ہے کہ بجلی کی بندش کے حوالے سے متعلقہ حکام کو متعدد بار آگاہ کیا جا چکا ہے، تاہم تاحال بجلی کی فراہمی بحال نہیں کی گئی۔
اہل علاقہ نے لیسکو حکام سے مطالبہ کیا ہے کہ بجلی کی بندش کا فوری نوٹس لیتے ہوئے بجلی بحال کی جائے تاکہ شہریوں کو درپیش مشکلات کا خاتمہ ہو سکے۔
