سوات میں سی ٹی ڈی اور پولیس کا آپریشن، 3 دہشتگرد ہلاک
سوات: محکمہ انسداد دہشتگردی (سی ٹی ڈی) اور پولیس نے تھانہ کانجو کی حدود میں واقع علاقے سخا ڈوب میں انٹیلی جنس بیسڈ آپریشن کیا، جس کے دوران 3 دہشتگرد ہلاک ہوگئے۔
حکام کے مطابق آپریشن کے دوران 2 دہشتگرد فرار ہونے میں کامیاب ہوگئے، جن کی گرفتاری کے لیے تلاش جاری ہے۔
سی ٹی ڈی حکام کا کہنا ہے کہ ہلاک ہونے والے دہشتگردوں کا تعلق کالعدم تحریک طالبان پاکستان (ٹی ٹی پی) کے کمانڈر مظفر عرف خالد گروپ سے تھا۔
