تہران: پاکستان کے چیف آف ڈیفنس فورسز اور آرمی چیف فیلڈ مارشل عاصم منیر ایران پہنچ گئے ہیں۔
خبر رساں ادارے رائٹرز نے ایرانی میڈیا کے حوالے سے بتایا ہے کہ فیلڈ مارشل عاصم منیر تہران پہنچے، جہاں وہ ایرانی حکام سے اہم ملاقاتیں کریں گے۔
دورے کے دوران پاکستان اور ایران کے درمیان دوطرفہ تعاون، باہمی دلچسپی کے امور اور خطے کی مجموعی صورتحال پر تبادلہ خیال کیا جائے گا۔
ذرائع کے مطابق دورے کے ایجنڈے میں ایران اور امریکا کے درمیان مذاکرات اور کشیدگی میں کمی کے لیے پاکستان کے ممکنہ ثالثی کردار پر بات چیت بھی شامل ہے۔
