نیو یارک میں وزیر خارجہ اسحاق ڈار نے سعودی ہم منصب شہزادہ فیصل بن فرحان سے ملاقات کی، جس میں پاکستان اور سعودی عرب کے باہمی تعلقات، علاقائی صورتحال اور باہمی دلچسپی کے امور پر تبادلہ خیال کیا گیا۔
ملاقات کے دوران اسحاق ڈار نے سعودی عرب کے ساتھ پاکستان کی غیر متزلزل یکجہتی کا اظہار کرتے ہوئے مملکت کو نشانہ بنانے والے حالیہ حملوں کی مذمت کی۔ دونوں وزرائے خارجہ نے دفاعی تعاون سے متعلق امور پر بھی گفتگو کی۔
دوسری جانب وزارت خارجہ کے مطابق پاکستان اور سعودی عرب نے سفارتی اور سرکاری/خصوصی پاسپورٹ رکھنے والے شہریوں کے لیے ویزا شرائط ختم کرنے کے معاہدے پر دستخط کر دیے ہیں۔
سعودی میڈیا کے مطابق دونوں ممالک کے درمیان سفارتی پاسپورٹ رکھنے والوں کے لیے مختصر مدتی قیام کے ویزے سے باہمی استثنا کا معاہدہ بھی کیا گیا ہے۔
