گولڈ میڈلسٹ ارشد ندیم کی بھارتی مداح کے ساتھ تصویر، سوشل میڈیا پر دھوم
پیرس اولمپکس میں ریکارڈ ساز کارکردگی دکھانے والے جیولین تھرو گولڈ میڈلسٹ ارشد ندیم نے بھارتی اور غیر ملکی مداحوں کے دل جیت لیے ہیں۔ گولڈ میڈل جیتنے کے بعد ارشد ندیم نے گراؤنڈ کا چکر لگاتے ہوئے اپنے مداحوں کے ساتھ سیلفیاں بنوائیں، جن کی تصاویر سوشل میڈیا پر تیزی سے وائرل ہو رہی ہیں۔
ایک خاص لمحے میں ارشد ندیم نے بھارتی پرچم اٹھائے ہوئے ایک مداح کے ساتھ بھی تصویر بنوائی، جس پر انہیں بھرپور داد دی جا رہی ہے۔ ارشد کی یہ خوبصورت تصاویر اور ان کا دوستانہ انداز مداحوں میں بے حد مقبول ہو رہا ہے اور ان کی سادگی اور محبت بھرے رویے کو سراہا جا رہا ہے۔
