نیوزی لینڈ کرکٹ ٹیم لاہور پہنچ گئی۔

تین ملکی ٹورنامنٹ میں شرکت کے لیے نیوزی لینڈ کی کرکٹ ٹیم لاہور پہنچ گئی۔ کیوی کھلاڑی نجی ایئر لائن کے ذریعے دبئی سے لاہور کے علامہ اقبال انٹرنیشنل ایئرپورٹ پہنچے، جہاں سے انہیں سخت سیکیورٹی میں ہوٹل منتقل کیا گیا۔ نیوزی لینڈ اسکواڈ میں کین ولیمسن، ڈیرل مچل، مائیکل بریسویل، مارک چیپمین، ڈیون کونوے، لوکی فرگوسن، میٹ ہینری، ٹام لیتھم اور گلین فلپس شامل ہیں۔ ٹیم 6 فروری کو قذافی اسٹیڈیم میں پریکٹس کرے گی، جبکہ 8 فروری کو پاکستان کے خلاف میدان میں اترے گی۔

تین ملکی سیریز کے بعد نیوزی لینڈ کی ٹیم 19 فروری سے شروع ہونے والی چیمپئنز ٹرافی میں بھی حصہ لے گی، اور وہ اس ایونٹ کے لیے پاکستان پہنچنے والی پہلی ٹیم بن گئی ہے۔