پاکستان نے دوسرے ٹی ٹوئنٹی میچ میں شاندار کارکردگی کا مظاہرہ کرتے ہوئے بنگلہ دیش کو 57 رنز سے شکست دے دی۔ میزبان ٹیم نے پہلے بیٹنگ کرتے ہوئے 202 رنز کا بڑا ہدف دیا، جس کے جواب میں مہمان ٹیم 19 اوورز میں 144 رنز بنا کر آؤٹ ہوگئی۔
پاکستان کی جانب سے اوپنر صاحبزادہ فرحان نے جارحانہ انداز میں 41 گیندوں پر 74 رنز بنائے، جس میں چھ چھکے اور چار چوکے شامل تھے۔ حسن نواز نے بھی دھواں دار بیٹنگ کرتے ہوئے 26 گیندوں پر ناقابل شکست 51 رنز جوڑے۔ وکٹ کیپر محمد حارث نے 41 رنز کی اننگز کھیلی جبکہ کپتان سلمان علی آغا 19 رنز بنا سکے۔ بنگلہ دیش کی جانب سے حسن محمود اور تنظیم حسن ثاقب نے دو، دو جبکہ رشد حسین نے ایک وکٹ حاصل کی۔
ہدف کے تعاقب میں بنگلہ دیش کی ٹیم مشکلات کا شکار رہی۔ اگرچہ تنظیم حسن ثاقب نے آخر میں 50 رنز کی اننگز کھیلی، اور اوپنر تنزید حسن نے 33 جبکہ مہدی حسن معراج نے 23 رنز بنائے، مگر ٹیم کا کوئی اور کھلاڑی ڈبل فیگر میں داخل نہ ہو سکا۔ پاکستان کی طرف سے ابرار احمد نے تین وکٹیں حاصل کیں، جبکہ حسن علی، فہیم اشرف، حارث رؤف، شاداب خان، خوشدل شاہ اور صائم ایوب نے ایک، ایک کھلاڑی کو پویلین کی راہ دکھائی۔ اس فتح کے ساتھ پاکستان نے سیریز میں سبقت حاصل کر لی ہے اور اگلے میچ میں کلین سویپ کا موقع موجود ہے۔
اسلام آباد: پمز اسپتال کا میٹرنٹی کے نئے کیسز لینے سے انکار اسلام آباد کے پمز اسپتال کی انتظامیہ نے…
پاکستانی اداکارہ اشنا شاہ کے ہاں بیٹے کی پیدائش پاکستانی اداکارہ اشنا شاہ کے ہاں پہلے بچے کی پیدائش ہوئی…
رابعہ انعم کی والدین سے بچوں کی حفاظت کے لیے زیادہ محتاط رہنے کی اپیل پاکستان کی معروف اینکر اور…
پاکستانی اداکار نعمان اعجاز کا کینسر کی تشخیص اور صحتیابی سے متعلق اہم انکشاف پاکستان کے سینئر اداکار نعمان اعجاز…
پاکستانی اداکارہ مریم نفیس خواتین اور کم عمر بچیوں کے ساتھ زیادتی کے واقعات پر آبدیدہ پاکستانی اداکارہ مریم نفیس…
بھارت: ہریانوی گلوکار انکت بالیان جم کے باہر فائرنگ سے قتل بھارتی ریاست اتر پردیش میں ہریانوی گلوکار اور یوٹیوبر…