کیریبین پریمیئر لیگ: قومی کرکٹرز کو این او سی 19 اگست کو جاری کیے جائیں گے

قومی کرکٹرز کو سی پی ایل کے لیے این او سی 19 اگست کو جاری کیے جائیں گے **لاہور:** قومی کرکٹرز کو کیریبین پریمیئر لیگ (CPL) میں شرکت کے لیے این او سی (NOC) 19 اگست کو جاری کیے جانے کا امکان ہے۔ ذرائع کے مطابق کیریبین پریمیئر لیگ آج سے شروع ہو رہی ہے جبکہ ایونٹ کا فائنل **20 ستمبر** کو کھیلا جائے گا۔ ذرائع کا کہنا ہے کہ نیشنل چیمپئنز کپ میں قومی کرکٹرز کی مصروفیات کے باعث انہیں سی پی ایل کے لیے این او سی **19 اگست** سے جاری کیے جائیں گے۔ نیشنل چیمپئنز کپ **11 سے 18 اگست** تک ملتان میں کھیلا جا رہا ہے۔ **صائم ایوب، شاداب خان، عثمان خان، معاذ صداقت، نسیم شاہ اور سفیان مقیم** سی پی ایل میں معاہدہ رکھنے والے قومی کرکٹرز میں شامل ہیں، جبکہ یہ تمام کھلاڑی چیمپئنز کپ کے لیے مختلف ٹیموں کا حصہ ہیں۔ ذرائع کے مطابق **عثمان طارق اور حنین شاہ** بھی کیریبین پریمیئر لیگ میں شامل ہیں، تاہم دونوں کھلاڑی نیشنل چیمپئنز کپ کا حصہ نہیں ہیں۔