ٹرمپ نے کمپیوٹر ماہر لڑکی کو گلے لگا لیا
سابق امریکی صدر ڈونلڈ ٹرمپ نے پنسلوانیا کے شہر بٹلر میں ایک انتخابی ریلی کے دوران ایک خاتون کو گلے لگا کر اس کی جان بچانے کے لیے شکریہ ادا کیا۔ یہ خاتون، جو کمپیوٹر کی ماہر ہیں، ریلی میں بڑی اسکرین پر سلائیڈز کنٹرول کر رہی تھیں۔
غیرملکی میڈیا رپورٹس کے مطابق، ریلی کے دوران خاتون نے اسکرین پر ایک امیگریشن چارٹ دکھایا۔ ٹرمپ نے چارٹ پڑھنے کے لیے جب اپنا رخ موڑا تو ایک حملہ آور، تھامس میتھیو کروکس، نے ان پر فائرنگ کی۔ تاہم، چارٹ پڑھنے کی وجہ سے ٹرمپ گولی سے بچ گئے۔
پنسلوانیا کے شہر ہیرسبرگ میں منعقدہ ایک اور انتخابی ریلی کے دوران، ٹرمپ نے اس خاتون کو اسٹیج پر بلا کر شکریہ ادا کیا اور گلے لگا کر اس کے سر پر بوسہ دیا۔ انہوں نے ہجوم سے کہا، "یہ خاتون کمپیوٹر چلانے کی ماہر ہے، اِس نے میری جان بچائی۔”
خاتون نے اسٹیج پر آ کر مختصرًا ‘ہائے’ کہا اور چلتی بنی، جس پر ٹرمپ اور ہجوم دونوں مسکرا اٹھے۔
واضح رہے کہ یہ ریلی 13 جولائی کو بٹلر میں ہونے والے قاتلانہ حملے کے بعد ٹرمپ کی پنسلوانیا میں پہلی ریلی تھی۔ ٹرمپ نے حملے کے بعد اک ریلی سے خطاب کیا اور کہا یہ چارٹ بہت خوبصورت ہے اب یہ مجھے اپنی زندگی میں سب سے زیادہ پسند ہے اور میں اپنی تمام زندگی اس چارٹ کے ساتھ رہنے اور سونے کے لیے تیار ہوں۔”
ٹرمپ نے مزید بتایا کہ امریکہ میں غیر قانونی امیگریشن پر مبنی یہ چارٹ ان کی صرف 20 فیصد انتخابی ریلیوں میں استعمال ہوا ہے اور اسے ہمیشہ ان کی بائیں جانب نصب کیا جاتا تھا، لیکن حملے کے روز یہ ان کی دائیں جانب نصب تھا۔ ٹرمپ نے کہا کہ اگر وہ چارٹ پڑھنے کے لیے رخ نہ موڑتے تو گولی انہیں نشانہ بنا لیتی۔
