پیرس اولمپکس: خاتون باکسر کے مقابلے میں مرد ٹرانسجینڈر کی شرکت پر ہنگامہ
پیرس: پیرس اولمپکس کے باکسنگ ایونٹ میں خاتون کے مقابلے میں مرد ٹرانسجینڈر کو اتارنے پر نیا تنازع کھڑا ہوگیا۔
پیرس اولمپکس کے دوران جمعرات کو الجزائر کی باکسر ایمان خلیف نے اطالوی باکسر انجلینا کارینی کو محض 46 سیکنڈز میں شکست دے دی۔ کارینی نے انکشاف کیا کہ ایمان خلیف کے مکے ان کے پورے کیرئیر میں سب سے زیادہ سخت اور طاقتور تھے۔ مقابلے کے ابتدائی مراحل میں ایک مکے نے کارینی کی چِن سٹریپ کو بھی اکھاڑ دیا جس سے ان کی شارٹس خون سے بھر گئی۔
کارینی نے اس موقع پر خلیف سے مصافحہ نہیں کیا اور ان کی آنکھوں سے آنسوؤں کا سیلاب جاری ہوگیا۔
یہ بات قابل ذکر ہے کہ انٹرنیشنل باکسنگ ایسوسی ایشن نے گزشتہ سال الجزائر کی باکسر ایمان خلیف کو جنسی اہلیت کے مطلوبہ معیار پر پورا نہ اترنے کی وجہ سے عالمی چیمپئن شپ سے نااہل قرار دیا تھا۔
اس واقعے کے بعد سوشل میڈیا پر شدید ردعمل دیکھنے میں آ رہا ہے اور صارفین نے اولمپکس کی جینڈر پالیسیز پر نظر ثانی کا مطالبہ کیا ہے۔
