ڈاکٹر ذاکر نائیک کا یوگنڈا میں ایڈونچر، 165 فٹ کی بلندی سے چھلانگ

ڈاکٹر ذاکر نائیک کا یوگنڈا میں ایڈونچر، 165 فٹ کی بلندی سے چھلانگ

معروف اسلامی اسکالر اور مبلغ ڈاکٹر ذاکر نائیک نے یوگنڈا کے دورے کے دوران ایک منفرد اور سنسنی خیز تجربہ کیا۔ انہوں نے دریائے نیل پر 165 فٹ کی بلندی سے بنجی جمپنگ کی اور اس کی تصاویر سوشل میڈیا پر شیئر کیں۔

ڈاکٹر ذاکر نائیک ان دنوں یوگنڈا کے شہر جِنگا میں موجود ہیں، جہاں وہ روایتی سرگرمیوں کے علاوہ ایڈونچر میں بھی حصہ لے رہے ہیں۔ ان کے اس دورے میں بنجی جمپنگ اور دریائے نیل میں رافٹنگ جیسے دلچسپ تجربات شامل ہیں۔

بنجی جمپنگ کا تجربہ

ڈاکٹر ذاکر نائیک نے جِنگا، یوگنڈا میں 165 فٹ کی اونچائی سے بنجی جمپنگ کی۔ انہوں نے اپنے اس تجربے کی تصویر فیس بک پر شیئر کرتے ہوئے لکھا:
"جِنگا، یوگنڈا میں 165 فٹ سے زیادہ بلندی سے بنجی جمپنگ کا تجربہ کیا۔

دریائے نیل میں رافٹنگ

بنجی جمپنگ کے علاوہ، ڈاکٹر ذاکر نائیک نے دریائے نیل میں اپنے ساتھیوں کے ساتھ رافٹنگ بھی کی اور اس یادگار موقع کا بھرپور لطف اٹھایا۔

بنجی جمپنگ کیا ہے؟

بنجی جمپنگ ایک مہم جوئی سے بھرپور کھیل ہے، جس میں ایک شخص لچکدار رسی کے ذریعے کسی بلند مقام سے چھلانگ لگاتا ہے۔ یہ مقام عموماً کسی پل، پہاڑ یا عمارت کی چوٹی پر ہوتا ہے۔ چھلانگ کے دوران رسی گرتے ہوئے شخص کی رفتار کو روکتی ہے اور جھولے کی طرح اوپر واپس اچھال دیتی ہے۔