قطری وزارتِ خارجہ کے ترجمان ڈاکٹر ماجد الانصاری کے مطابق، قطری وزیراعظم شیخ محمد بن عبدالرحمان آل ثانی اپنے دورۂ ایران کے دوران ایرانی حکام سے خطے میں کشیدگی کم کرنے اور مذاکرات کے لیے سازگار ماحول پیدا کرنے کے طریقوں پر تبادلۂ خیال کریں گے۔
وزارتِ خارجہ کے بیان میں کہا گیا ہے کہ یہ دورہ قطر کے اس مستقل مؤقف کا تسلسل ہے کہ اختلافات کے حل اور خطے میں امن و استحکام کے فروغ کے لیے سفارت کاری ہی بہترین راستہ ہے۔
بیان کے مطابق ایرانی حکام سے ملاقاتوں میں آبنائے ہرمز میں بحری جہازوں کی آزادانہ اور محفوظ نقل و حرکت کے معاملے پر بھی بات چیت کی جائے گی۔
