آسٹریلیا کی پارلیمنٹ کے سامنے فلسطین کے حامیوں کا احتجاج

سڈنی: آسٹریلیا کی پارلیمنٹ کے سامنے احتجاج کرتے ہوئے مظاہرین کا کہنا تھا کہ اسرائیل جنگی جرائم میں ملوث ہے۔ ہم اسرائیل کی جارحیت کو کسی صورت معاف نہیں کرینگے اور اس کی بربریت کے خلاف مزاحمت اور احتجاج جاری رکھیں گے۔
فلسطینیوں کے حامی مظاہرین آسٹریلیا میں پارلیمنٹ ہاؤس کی چھت پر چڑھ گئے اور آزادی کے حق میں بینرز لہرا دیے۔
عالمی خبر رساں ادارے کے مطابق آسٹریلوی پارلیمنٹ کے سامنے فلسطین کے حامیوں نے اسرائیلی جارحیت کے خلاف احتجاجی مظاہرہ کیا۔ مظاہرین نے آزادیٔ فلسطین کے حق میں نعرے بازی بھی کی۔
بعد ازاں چند مظاہرین نے پولیس کی رکاوٹوں کو عبور کرتے ہوئے پارلیمنٹ کی چھت پر پہنچ کر فلسطین کے حق اور اسرائیل کے خلاف بینیرز لہرا دیے۔ مطاہرین نے پارلیمنٹ کی چھت پر شدید نعرے بازی کی۔
دوسری جانب اپوزیشن ہوم افیئرز کے ترجمان جیمز پیٹرسن نے اس واقعے کلی تحقیقات پر زور دیتے ہوئے کہا کہ یہ پارلیمنٹ کی سیکیورٹی کی سنگین خلاف ورزی ہے۔
واضح رہے کہ اسرائیل کی غزہ پر وحشیانہ بمباری کے خلاف دنیا بھر میں صیہونی ریاست کے خلاف مظاہرے ہوئے ہیں جن میں بین الاقوامی جامعات کے طلبا سب سے آگے ہیں۔