اطالوی شہری نے 3چھوٹے طیارے کھینچ کرنیاریکارڈ بنادیا

اطالوی شہری نے 3چھوٹے طیارے کھینچ کرنیاریکارڈ بنادیا
روم: اطالوی شہری میٹیو پیوون نے گنیز ورلڈ ریکارڈ قائم کرنے کیلئے اپنے ہاتھوں سے تین چھوٹے طیارے کھینچ کر نیا ریکارڈ بنا دیا۔ یہ کامیاب کوشش اٹلی کے شہر آسٹی میں کی گئی۔میٹیو نے بتایا کہ رگبی کھیلنے کے دوران انہیں متعدد چوٹیں آئیں، جن میں سب سے سنگین کمر کی چوٹ تھی۔ ڈاکٹروں نے کہا تھا کہ وہ دوبارہ کبھی کھیل نہیں سکتے، لیکن میٹیو نے ان کی باتوں کو غلط ثابت کیا۔ اب، انہوں نے اپنی کوششوں کے ذریعے غیر معمولی ایتھلیٹک مہارت کا مظاہرہ کرتے ہوئے یہ نیا ریکارڈ قائم کیا ہے۔ انہوں نے مزید کہا کہ وہ مستقبل میں اس حالیہ ریکارڈ کو توڑنے کا ارادہ رکھتے ہیں۔