بنگلادیش: سابق وزراء کی بھارت فرار کی کوششیں ناکام
ڈھاکا: حسینہ واجد کے اقتدار کے خاتمے کے بعد بنگلادیش میں عوامی لیگ کے رہنماؤں کی ملک چھوڑنے کی کوششیں تیز ہو گئی ہیں۔ 5 اگست کو طلبہ تحریک کے باعث حسینہ واجد وزارت عظمیٰ سے مستعفی ہوئیں اور بھارت میں پناہ لے لی۔
حالیہ رپورٹس کے مطابق، بنگلادیش کے سابق وزیر خارجہ اور سابق وزیر اطلاعات کو ڈھاکا ایئرپورٹ پر ملک سے فرار ہونے کی کوشش کرتے ہوئے گرفتار کر لیا گیا۔ دونوں افراد بھارتی دارالحکومت نئی دہلی فرار ہونے کی کوشش کر رہے تھے۔
بنگلادیشی میڈیا کے مطابق، ایک دن پہلے بنگلادیش کے سابق وزیر برائے انفارمیشن ٹیکنالوجی (آئی ٹی)، زنید احمد، کو بھی ڈھاکا ایئرپورٹ پر گرفتار کر لیا گیا۔ ایئرپورٹ کے عملے نے انہیں پکڑ کر بنگلادیشی ائیر فورس کے حوالے کر دیا۔
یہ گرفتاریاں اس وقت سامنے آئیں جب ملک میں سیاسی تبدیلیوں کی وجہ سے عدم استحکام اور حالات کی سنگینی بڑھ گئی ہے۔ عوامی لیگ کے کئی رہنما اپنی جان کی حفاظت اور قانونی کارروائیوں سے بچنے کے لیے ملک چھوڑنے کی کوشش کر رہے ہیں۔
