دنیا کے بہترین شہروں کی فہرست جاری، لاہور، اسلام آباد، کراچی کون سے نمبر پر؟
مرکر (Mercer) نامی ادارے نے سال 2024 کے رہنے کے لائق بہترین معیار زندگی کے حامل شہروں کی فہرست جاری کردی۔
اس فہرست میں دنیا کے 450 سے زائد شہروں کی سیاسی، سماجی، صحت، تعلیم اور جرائم کی شرح سمیت دیگر 39 عناصر اور سولیات کی بنیاد پر درجہ بندی کی گئی۔
سوئٹزر لینڈ کے شہر زیورخ نے سب سے زیادہ نمبر حاصل کرکے رہنے کے قابل سب سے بہترین شہر کا اعزاز حاصل کرلیا۔
دوسرے نمبر پر آسٹریا کا شہر ویانا ہے، سوئٹزرلینڈ کا جنیوا تیسرے، ڈنمارک کا کوپن ہیگن چوتھے، نیوزی لینڈ کا آکلینڈ پانچویں اور نیدر لینڈ کا ایمسٹرڈیم چھٹے نمبر پر ہے۔
ساتویں نمبر پر براجمان ہے جرمنی کا شہر فرینکفرٹ، آٹھویں نمبر پر کینیڈا کا وینکوور اور سوئٹزرلینڈ کے شہروں برن اور باسل نے نواں اور دسواں نمبر حاصل کیا۔
براعظم ایشیا میں رہنے کے لیے بہترین شہر سنگاپور قرار پایا جو مجموعی طور پر 30 ویں نمبر پر ہے۔ پاکستان کا دارالحکومت اسلام آباد 204، کراچی 218 اور لاہور 220 ویں نمبر پر ہے۔
سورش زدہ ملک سوڈان کا دارالحکومت خرطوم کو قیام کے لیے دنیا کا بدترین شہر قرار دیا گیا جس کا نمبر 241 واں ہے۔
جنگ زدہ عراق کا دارالحکومت بغداد 240 اور وسطی افریقی جمہوریہ کا شہر بنگوئی 239 نمبر پر ہے۔
یمن کا شہر صنعا 238 اور ہیٹی کا شہر پورٹ او پرنس 237 ویں نمبر پر ہے۔
